Biblioramo

O HUMOR E OS DEREITOS DA INFANCIA

2012-02-17T18:07:00.000+01:00

O pasado día 30 de xaneiro, @s alumn@s do 2º e 3º ciclo visitaron a exposición "O humor e os dereitos da infancia" na Casa da Cultura. Tamén aproveitaron para facer un pequeno percorrido pola sala dos espellos, a do humor negro,... Foi unha visita moi entretida!

Visit My Photos - 7 Pics

My Album

O NOSO REI LEÓN XA TEN RAÍÑA!!

2012-01-22T08:57:00.000+01:00

O venres na hora de ler, nomeamos ao león e á leona da biblio. O león segue sendo Carlos de 4º. Non hai quen o destroe!! Pero como novidade, apareceu unha gran leona. É Naila, de 5º. A pesar de que eles dous son os grandes reis da nosa selva de libros, tamén hai outros leonciños e leonciñas no cole.
Parabéns a tod@s e a seguir devorando libros!!

SABEDES CALES SON AS FUNCIÓNS D@S AXUDANTES DA BIBLIO?

2011-12-10T20:16:00.000+01:00

Como sabedes, o curso pasado comezaron @s axudantes de biblioteca. Son nenos e nenas de 5º e 6º de primaria que de forma voluntaria axudan ás nosas bibliotecarias. Queredes saber cales son as súas funcións?

INFORMACIÓN PARA AS FAMILIAS

2011-12-10T19:47:00.000+01:00

2011-12-10T19:09:00.000+01:00

O pasado xoves, @s alumn@s de 3º de primaria sorprendéronnos cunha obra de teatro titulada "La fea durmiente".
Fixérono xenial e desfrutamos moito con ela. Parabéns rapaces!!

DE QUEN SERÁ ESTA CARTA TAN ESPECIAL?

2011-10-15T20:00:00.000+02:00

O venres pasado recibimos a carta de alguén moi especial. De Cascabel, a nosa mascota da biblio. Este verán decidiu que quería viaxar polo mundo e marchou de vacacións a un país estranxeiro. Con ela ao longo do curso aprenderemos moitísimas cousas sobre ese país. Polo de agora enviounos coa súa carta un pequeno agasallo para darnos unha pista. Unha bandeira!! Seguro que xa sabedes por onde anda a nosa bolboreta aventureira!

VOLTAN AS MOCHILAS VIAXEIRAS!!

2011-10-15T19:45:00.001+02:00

Un curso máis, comeza a andaina das mochilas viaxeiras polas casas dos nenos e nenas do noso cole. Tratádeas ben para que queden con ganas de voltar ás vosas casas!

RECOMENDACIÓNS PARA O VERÁN

2011-06-18T10:08:00.003+02:00

Recomendacións para infantil:

Open publication - Free publishing - More infantil

Recomendacións para o 1º ciclo de primaria:

Open publication - Free publishing - More lecturas

Recomendacións para o 2º ciclo de primaria:

Open publication - Free publishing - More lecturas

Recomendacións para o 3º ciclo de primaria:

Open publication - Free publishing - More lecturas

RAPEAMOS CON ROSALÍA DE CASTRO

2011-06-16T12:49:00.003+02:00

Estes días, tivemos a sorte de ter entre nos a un gran músico, Jose Carballido. Onte sorprendeunos cos seus alumn@s de 1º de primaria cun rap baseado nun poema de Rosalía de Castro do libro de Follas Novas.

Aquí vos vai o vídeo. Fixérono xenial. Parabéns!!
Se queredes saber máis sobre Jose ou coñecer algunha das súas cancións podedes facelo no seguinte enlace:

http://www.josecarballido.com/inicio.html

ADEUS A XOÁN FARIAS

2011-06-14T00:49:00.004+02:00

O pasado sábado faleceu o escritor ferrolán Xoán Farias, considerado como un dos nomes máis importantes no panorama da literatura española infantil e xuvenil.
Entre as súas obras destacan títulos como Los niños numerados, Los buscadores de agua, Algunos niños, tres perros y más cosas, Los pequeños nazis del 43 ou Crónicas de media tarde: Años difíciles, Cuarenta niños y un perro, El barco de los peregrinos, Pan por tierras llevar ou El guardián del silencio.
Este ano, as bibliotecas escolares dos centros públicos de Ferrolterra, fixémoslle unha pequena homenaxe adicándolle o Día do Libro Infantil e Xuvenil. No noso cole traballamos co seu libro "Desde o corazón da mazá".

PREMIOS DO CONCURSO DO DÍA DA NAI

2011-06-09T00:57:00.000+02:00

Por fin, o pasado luns repartimos os premios do concurso "A miña nai é a mellor do mundo". Se queredes ver os traballos gañadores só tedes que prestar atención á seguinte presentación.

Gañadores a mellor nai do mundo

View more presentations from rebkblanco.

A INSOPORTABLE LEVEDADE DAS BIBLIOTECAS ESCOLARES GALEGAS

2011-06-01T12:32:00.002+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?

Colectivo dos equipos das bibliotecas escolares integradas no PLAMBE (Plan
de Mellora das Bibliotecas Escolares Galegas)

ANIVERSARIO DO CLUBE ECOLÓXICO BOLBORETA

2011-06-01T00:30:00.000+02:00

Días atrás, co motivo do 20 aniversario do clube ecolóxico Bolboreta, estivo no cole Antón Nuñiz.Con el aprendimos moitísimas cousas das árbores autóctonas que temos ao noso arredor. A continuación ofrecémosvos a posibilidade de volver a ver a presentación que nos fixo. Moitas grazas Antón por permitirmos desfrutar unha vez máis deste gran traballo.

Charla o ramo día da árbore2011

View more presentations from rebkblanco.

Logo, César, o noso dire, agasallou a cada clase cunhas carpetas con xogos e información sobre o noso entorno.

Por último plantamos dúas árbores e inauguramos a placa do clube.

SALVAMENTO DE LIBROS

2011-05-25T14:30:00.000+02:00

Por fin xa podemos sacar os libros galegos dos nosos escondites segredos, xa poden voltar aos seus andeis da biblioteca. A policía colleu ao monstro comelibros. Estaba sentado no banco dun parque morto de fame, porque grazas ao traballo d@s nen@s non atopaba nin unha soa palabra galega que comer.
A continuación mostrámosvos unha pequena escolma dos libros salvados polos nen@s dos coles galegos.

LIBROS SALVADOS POLOS COLES DE INFANTIL E PRIMARIA

LIBROS SALVADOS POLOS INSTITUTOS

VISITA DE XOÁN GARCÍA

2011-05-21T09:52:00.000+02:00

O venres pasado visitounos Xoán García e unha amiga súa moi especial, Faragulliña. Primeiro Xoán García contounos como fora a súa vida e contestou amablemente a tódalas preguntas que se lle fixeron. Despois Faragulliña relatounos un pequeno conto que Xoán lle contou xa fai moito tempo. Por último acompañáronnos ao Camiñante e depositamos dous libros na súa biblioteca pública. Para rematar Xoán adicounos unha poesía.

DE VOLTA AO COLE

2011-05-21T09:51:00.000+02:00

O pasado mércores @s antigos/as alumnos/as visitaron o cole para apadriñar/amadriñar aos nenos/as de infantil. A experiencia foi un éxito!!

O DÍA 17 DE MAIO CELEBRAMOS O DÍA DAS LETRAS GALEGAS

2011-05-10T22:11:00.000+02:00

Este ano, o día das Letras Galegas adícase a Lois Pereiro. Aquí vos van algunhas páxinas que vos poden resultar de intertese.

http://gl.wikipedia.org/wiki/Lois_Pereiro

http://www.diadasletrasgalegas.com/homenaxeado/lois-pereiro_2011

http://seminariogalan.org/inicio/portada

http://loispereiro.blogaliza.org/

http://pequespazos.blogspot.com/search/label/LOIS%20PEREIRO

ESTE VENRES VISÍTANOS XOAN GARCÍA

2011-05-10T14:11:00.000+02:00

Xoán García López naceu en Barallobre (Fene) en 1942 e vive en Neda desde 1964. Foi traballador de Astano. Remata a súa vida laboral na empresa Endesa das Pontes de García Rodríguez.
En Holanda comezou a escribir poesía e colaborou en varias entidades daquel fermoso e acolledor país. Alí foi colaborador do xornal (da emigración) La Región.
De volta a Galicia, en Neda, foi cofundador de A.VV. Vila de Neda, sendo responsable da revista “Voceiro da Vila” e participou como voz na rondalla “Lucero del Alba”.
Desde o ano 1983 e ata o ano 2003 foi concelleiro de Neda, levando case sempre a área de cultura.
Organizou e participou en varios ciclos poéticos-musicais e recitais de poesía. O grupo folk Zoar do Vento ten musicados unha ducia dos seus poemas. Gañou o premio de poesía Pérez Parallé en dúas ocasións (1996 e 1998). Actualmente colabora con varias revistas culturais e escribe os seus artigos en "La Ventana", do Diario de Ferrol.
Ten editados varios libros:
Poesía.- “Os catro tempos” e “Arado de Pau” (1966) recollidos no libro “Ao pé do río Belelle”; Maríaneda (1998); “Poemas da beiramar” (1999); “Buxaina de sentimentos” (2000); “Voz” (2001); “Abonda coas palabras” (2003); "Ronsel de lúa espida" (2005).
Literatura infantil.- “Ameixa Fina e Patexo” (2000); “Faragullina” (2002)
Narrativa.- “Leite callado”, obra curta, adaptada ao teatro por Carlos Basoa co título de “O avó”.

NOTICIA DE ÚLTIMA HORA!!

2011-05-02T02:23:00.003+02:00

Salvar un libro

View more presentations from rebkblanco.

ESTE FOI O RESULTADO DOS APADRIÑAMENTOS E AMADRIÑAMENTOS LECTORES

2011-05-02T00:13:00.003+02:00

Parece que á maioría dos nen@s gustoulles esta primeira experiencia de apadriñamentos e amadriñamentos lectores. Haberá que repetir!!

A MIÑA NAI É A MELLOR DO MUNDO

2011-04-29T14:08:00.001+02:00

Como sabedes, o vindeiro domingo é o día da nai. Para celebralo dende a biblioteca propoñémosvos un concurso.
Contádenos por que a vosa nai é a mellor do mundo!!

A mellor nai do mundo

View more presentations from rebkblanco.

*As imaxes coas que fixemos esta presentación foron sacadas da galería de Google.

CELEBRAMOS O DÍA DO LIBRO

2011-04-22T11:56:00.003+02:00

Como ben sabedes, mañá, sábado 23 de abril, é o día do libro. Para celebralo fixemos unha pequena presentación. Esperamos que vos guste.

Nenos lendo

View more webinars from rebkblanco

ENCONTROS DO PLAN DE MELLORA DE BIBLIOTECAS ESCOLARES

2011-04-15T12:54:00.001+02:00

Os pasados días 7 e 8 de abril reuniuse en Santiago o profesorado responsable das bibliotecas integradas actualmente no PLAMBE. A pesar de que só puido asistir unha persoa por centro, ofrecéusemos a posibilidade de seguir os encontros en directo a través da páxina de bibliotecas escolares da Xunta de Galicia.
Estes encontros son moi enriquecedores xa que nos permiten compartir experiencias, ideas e, en definitiva, enriquecer a nosa práctica diaria.
Todos os relatores e as distintas actividades foron dunha calidade excelente, pero....INSUPERABLE O REMATE CON NEIRA VILAS!!!
Os materiais dos encontros (presentacións dos relatores, información adicional, etc, así como o material audiovisual) están xa dispoñibles no espazo moodle habilitado ao que se pode AQUÍ entrar como convidado.

QUEREDES TER UN AFILLAD@?ATENT@S AO QUE VOS PROPOÑEMOS

2011-04-11T13:47:00.002+02:00

Apadriñamentos e amadriñamentos lectores

View more presentations from rebkblanco

XA TEMOS OS GAÑADORES DO CONCURSO "P DE PAPÁ"

2011-04-11T12:47:00.002+02:00

Se queres ver os debuxos gañadores do concurso "O p dos papás do Ceip O Ramo" atende á seguinte presentación.

Premios p de papá + foto agasallo

View more presentations from rebkblanco.

Aquí poderás ver os debuxos de todos os nen@s do cole. Todos están xenial!!

A RAÍÑA DA NOSA BIBLIOTECA FOI DESTROADA!!

2011-04-11T12:41:00.001+02:00

O venres, Antía, a raíña da nosa biblioteca, foi destroada por un gran león. Chegou Carlos de 3º ruxindo con moita forza e devorando tódolos libros que atopou polo seu camiño. Así que xa temos novo rei na biblioselva. Quen se atreverá a destroalo?

... E OS LIBROS REBELÁRONSE

2011-04-04T13:32:00.003+02:00

Con estes días tan soleados non apetece nada estar pechados na biblioteca. Os libros tamén temos dereito a saír ao patio!!!
Por iso, Cascabel, que ten solución para todo, preparounos un carriño para sacarnos de paseo e poder gozar cos nen@s destes marabillosos días de sol.

This free picture collage made with Smilebox

2 DE ABRIL CON XOÁN FARIAS

2011-04-02T00:01:00.016+02:00

Noraboa a todos os nenos e nenas, mozos e mozas
que participaron e encheron de vida os libros
de Xoán Farias.

CASCABEL INFORMA

2011-04-01T14:09:00.010+02:00

O día 2 de abril celébrase o Día do Libro Infantil e Xuvenil

O día 2 de abril celébrase o Día do Libro Infantil e Xuvenil, co obxectivo de conmemorar un célebre aniversario: o nacemento de Hans Christian Andersen, o pai das historias infantís tan sorprendentes como: "O parruliño feo", "O soldadiño de chumbo", "O traxe novo do emperador", "A sereíña" e outros moitos contos que leron, len e lerán @s nen@s de hoxe e de sempre.

Aquí vos van algúns enlaces para coñecer máis sobre el e os seus contos:

http://gl.wikipedia.org/wiki/Hans_Christian_Andersen

www.educared.net/aprende/anavegar5/podium/images/c/2568/andersen_vida.htm

www.7calderosmagicos.com.ar/Autores/biografandersen.htm -

www.andersenstories.com/es/andersen_cuentos/index

www.educared.net/aprende/anavegar5/podium/images/c/2568/actividades.htm

http://www.youtube.com/watch?v=toaVpdiXyAw

http://www.youtube.com/watch?v=4fpDlJ8-5o0&feature=related

http://www.youtube.com/watch?v=Q95WzZDQA8I&feature=related

http://www.youtube.com/watch?v=qfUTEs6gnhQ

DENDE A PÁXINA DE BIBLIOTECAS ESCOLARES FELICÍTANNOS POLO RECUNCHO DE PAIS/NAIS

2011-03-31T11:58:00.001+02:00

Dende a páxina da Xunta de Galicia "Bibliotecas escolares de Galicia" dannos a noraboa por ofrecer un espazo onde as familias poidan ler mentras esperan polos seus fillos/as.

Preme aquí para ler o artículo alusivo e animádevos a utilizar dito espazo.

FENE LENDO MULLERES

2011-03-18T22:43:00.003+01:00

Hoxe, os alumn@s de 2º,3º,4º,5º e 6º fomos á biblioteca do concello e participamos no acto "Fene lendo mulleres". Cada nen@ levou preparada unha lectura: un conto, unha poesía ou un pequeno texto de elaboración propia. As nosas familias poideron escoitarnos pola radio.

O "P" DOS PAPÁS DO CEIP O RAMO

2011-03-15T17:03:00.010+01:00

O vindeiro día 19 de marzo celebramos o día do pai.Dende a biblioteca recomendamos a lectura do libro "P de papá" para mostrarlle ao noso alumnado todas esas pequenas accións que diariamente facemos cos nosos papis e que nos fan tan felices!!
Apoiándonos neste libro propoñemos un concurso onde teredes que contarnos o que facedes co voso pai a través dunha palabra e un debuxo.

Participa e presume de pai!!

Presentación día do pai

View more presentations from Paula.

CAMBIO DE LOOK NA BIBLIOTECA

2011-03-11T14:23:00.001+01:00

A nosa biblio está cambiando de look. Estes días andiveron os pintores por aquí. Temos unha biblio laranxa!! Atentos porque proximamente haberá algún cambio máis.Esperamos que vos gusten.

QUERES COÑECER A HISTORIA DO LIBRO?

2011-03-11T12:50:00.001+01:00

Durante este mes temos na entrada do colexio unha exposición sobre a evolución do libro ao longo dos séculos.
Animádevos a visitala. Seguro que descubriredes cousas moi interesantes !!!

Dende aquí agradecemos ao IES Fernando Esquío deixarnos desfrutar desta marabillosa exposición.

CHEGAN OS AXUDANTES Á BIBLIOTECA

2011-02-28T13:38:00.001+01:00

Hoxe comezaron o seu traballo os axudantes de biblioteca. Mirade como traballan. Parecen auténticos profesionais!!

Os luns e os venres, na hora do recreo, os alumnos/as do terceiro ciclo axudarannos na biblioteca. Como temos tantos interesados en participar, irán rotando cada 15 días. Así todos poderán probar a experiencia.

XA SABEMOS QUEN É A MÁIS LEONA DO COLE

2011-02-24T18:09:00.004+01:00

Antía Ameneiro Ameneiros é a raíña da nosa selva de libros. É unha leona!!

León

View more webinars from Paula

Queremos axudarvos a ser uns grandes leóns e ... Quen sabe! Tal vez poderedes destroar á nosa actual raíña. Para facelo ímosvos dar a tod@s unhas cartillas de bibliopuntos. Cada vez que participedes nun dos concursos que plantexamos dende a biblio ou cada vez que levedes un libro/peli e cubrades unha ficha de lectura darémosvos un bibliopunto. Con 9 bibliopuntos conseguiredes un agasallo.
Animádevos, hai un esperándovos na biblioteca!!
As fichas de lectura conseguirédelas na biblio. Se queredes botarlles unha ollada, premede nos seguintes enlaces:
Ficha de lectura para infantil
Ficha de lectura para primaria.

ESTE ANO ESTREAMOS RECUNCHO DE LECTURA PARA PAIS/NAIS

2011-02-16T21:58:00.001+01:00

Estimados pais/nais:

Este ano puxemos en marcha o “Recuncho de lectura para pais/nais”. Está situado en fronte a secretaría. Alí podedes atopar: revistas, libros, xornais, películas…

Proximamente poñeremos un buzón no que agardamos con gran interese as vosas opinións e suxerencias.

Así que, se chegades cedo cando vides buscar aos rapaces, animádevos a utilizalo!!

Lembrámosvos que a biblioteca é un espazo aberto para toda a familia. Vós tamén podedes facervos socios/as. Podedes vir a solicitar o voso carné no recreo de 12:05 a 12:30 h.

Ademáis, dispoñemos de tres ordenadores que están ao voso servizo. Podedes vir todas as tardes de 16:30 a 18:30 h.

Tamén recordade que calquera consulta que teñades sobre as actividades que se fan no centro podédela

realizar na nosa páxina web. A direción é: http://www.centros.edu.xunta.es/ceiporamo/

Facede da vosa espera un intre máis agradable!!

Un saúdo e boas lecturas

RECOMENDACIÓNS DE NADAL

2011-02-12T18:38:00.005+01:00

No Nadal quixemosvos axudar a escribir a carta aos Reis e démosvos algunhas suxerencias de libros que están moi ben. Se queredes recordar algún dos títulos só tedes que premer nos seguintes enlaces:

Tríptico de recomendacións para Educación Infantil.

Tríptico de recomendación para o 1º ciclo de Primaria.

Tríptico de recomendación para o 2º ciclo de Primaria.

Tríptico de recomendación para o 3º ciclo de Primaria.

AS NOSAS PORTAS

2011-02-12T13:23:00.000+01:00

Este curso continuaremos coa decoración das portas do cole. A continuación amosámosvos o proceso e o resultado da decoración das portas do primeiro andar. A temática foi sobre os contos infantís.
Este curso no segundo andar a temática a traballar é a ciencia.

Contos presentación

View more presentations from rebkblanco.

UN ANO MÁIS OS LIBROS VAN DE VACACIÓNS Á CASA DOS NEN@S

2011-02-11T18:14:00.001+01:00

O curso pasado iniciamos a actividade das mochilas viaxeiras en primaria. Este ano comezaron a súa andaina no mes de outubro tanto para primaria como para infantil. A continuación, mostramos o material e documentos que se inclúen en cada mochila.
Se queredes ver as fotos da entrega das mochilas pinchade aquí.

Open publication - Free publishing - More lectura

Open publication - Free publishing - More libros

Open publication - Free publishing - More contido

PICNIC DE LIBROS

2011-02-07T14:28:00.001+01:00

Comezou o curso e as nosas cabeciñas xa estaban famentas de novas historias!! Na biblioteca preparáronnos unhas cestas para ir de picnic aos sitios máis incribles onde nos poden levar os libros.
Hai catro cestos cada un dunha cor diferente: un para infantil de cor laranxa, un para 1º ciclo de primaria de cor verde, un para 2º ciclo de primaria de cor lavanda e outro para o 3º de cor amarelo.
A continuación tedes o contido das cestas por temáticas.

Open publication - Free publishing - More cestos

O MÁIS LEÓN

2011-02-07T12:32:00.001+01:00

O vindeiro mércores, na hora de ler, xuntarémonos todos na biblioteca para descubrir quen é o máis león do colexio.

CUPIDO NON ENTENDE DE IDADES.

2011-02-04T14:13:00.010+01:00

Chega o mes de febreiro e con el ven San Valentín. Dende a biblioteca convidámosvos a participar nun concurso ...

San Valentín

View more webinars from Paula.

Se queredes coñecer os traballos gañadores premede na seguinte presentación.

Pre mios san valentín

View more webinars from Paula

BENVIDOS E BENVIDAS

2011-02-04T12:52:00.004+01:00

Ola a todos!! Hoxe estreamos o noso blog de biblioteca. Estes días publicaremos traballos e actividades que, aínda que as fixemos no trimestre, pasado parécenos interesante recordar.