RECOMENDADOS DE VERÁN

 Aquí vos deixamos as nosas recomendacións lectoras para este verán.

Bo verán e felices lecturas!!

MESA DE RECOMENDADOS DE VERÁN

Achégase o final do curso e na entrada do cole xa tedes algunhas das nosas recomendacións lectoras para verán.

Animádevos a botar unha ollada!!

GAÑADORES DO TORNEO DE XADREZ

 Despois de varias semanas de intensas partidas de xadrez xa temos aos gañadores!

LECTURAS COMPARTIDAS 2025

Un ano máis, retomamos a actividade de lecturas compartidas coas familias.

Moitas grazas a todos os que facedes posible esta actividade que tanto gusta aos nenos!

ENTREVISTAMOS A UXÍA, A NOSA PANDERETEIRA FAVORITA

 

Este ano Uxía Doval, antiga alumna do centro, veu a facer con nós un obradoiro para que aprendésemos a importancia das cantareiras na conservación da cultura galega. Uxía está moi ligada á música tradicional e coa súa posta en escea e a súa experiencia aprendimos moitísimo.

Moitas grazas Uxi!!

Aproveitando o seu paso polo cole quixemos facerlle unha pequena entrevista. Se queredes escoitala podedes facelo clicando no seguinte enlace. Entrevista Uxía

LETRAS GALEGAS 2025

Deixámosvos o tríptico de recomendados de Letras Galegas deste curso.

FELIZ DÍA DAS LETRAS GALEGAS!
 

 

ESTREANOS CLUBE DE LECTURA

Este curso decidimos probar a experiencia de facer un clube de lectura de familias e profes. Comezamos co libro "Cerebro y pantallas" de María Couso, para debatir un tema de actualidade que nos ten moi preocupados. A pesares de que fomos poucos os que participamos foi unha tarde moi agradable.

Moitas grazas a todas as participantes! Foi un pracer compartir preocupacións e reflexións con vós.

O ano que ven repetimos!

TORNEO DE XADREZ

Estas semanas, o noso colexio comezamos unha nova experiencia: o torneo de xadrez no recreo! 

Durante o tempo de lecer, a biblioteca énchese de emoción, concentración e moitas ganas de pasalo ben.

É marabilloso ver como nenos e nenas de diferentes cursos se xuntan arredor dos taboleiros, compartindo estratexias, risas e, sobre todo, moito respecto polo xogo e polos compañeiros. Cada partida é unha oportunidade para aprender, mellorar e facer novas amizades.

A semana que ven máis e mellor!

FELIZ DÍA DO LIBRO!

 

Hoxe 23 de abril, que mellor maneira que festexar o día do libro cos nosos apadriñamentos lectores! 

A pesares de que o tempo non acompañou demasiado, pasámolo moi ben disfrutando da lectura en compañía.

Aquí vai unha pequena mostra das imaxes deste día.

OBRADOIRO DE ALIMENTACIÓN SAUDABLE

O 7 de abril celebramos o Día Mundial da Saúde. E que mellor maneira que facelo coa charla dun nutricionista para fomentar unha alimentación saudable.

Grazas a José Antonio, un papá do cole que se nos ofreceu para poder levar a cabo esta actividade, poidemos aprender unha morea de cousas a ter en conta á hora de levar unha dieta san e equilibrada.

Non quixemos deixalo marchar sen antes facerlle unha pequena entrevista na nosa radio.

Se queredes escoitala aquí tedes o enlace.

Moitas grazas José Antonio polo teu magnífico traballo!