Como ven sendo tradicional, a finais de setembro celebramos a Festa da Benvida. Trátase dunha xornada de convivencia entre todos os membros da comunidade educativa na que festexamos o comezo do novo curso.
Empregando como fío condutor o outono deseñamos unha serie de actividades relacionadas con esta temática. Grazas á colaboración das familias, aproveitamos para facer unha exposición con froitos desta época.
Ademáis, durante toda a semana na nosa biblio realizamos xogos a través dos cales tratamos de enriquecer o vocabulario, fomentar a creatividade, o pensamento computacional, a estimulación sensorial ou os procesos psicolóxicos básicos (memoria, atención, percepción).
Culminamos a semana cunha festa na que non faltaron os xogos tradicionais e a degustación de sobremesas típicas destas datas elaboradas polas familias.
É un pracer comezar o curso con ledicia!!
