RECOMENDADOS DE NADAL

Un ano máis deixámosvos unha pequena selección de libros recomendados.
Recordade que os tedes á vosa disposicón na mesa da entrada do colexio.
Aproveitamos para desexarvos boas festas!!

DENDE BIBLIORAMO... FELICES FESTAS!

Dende o equipo de biblioteca do CEIP O Ramo, queremos deserxarvos á toda a comunidade educativa, un bo Nadal e un próspero ano 2019.
Aquí vos esperamos á volta de vacacións, con libros, actividades e moita ilusión.
Deixámosvos cunhas fotos da xincana de Nadal, na que fixemos esta árbore de post it tan chula!

BOAS FESTAS!!

RECOLLIDA SOLIDARIA

Un ano máis, quixemos aportar o noso graíño de area axudando a aqueles que máis o precisan.
A cambio dos alimentos e da roupa de abrigo doada, agasallamos un marcapáxinas elaborado polo noso alumnado e libros do expurgo realizado na biblio ao comezo deste curso.

Moitas grazas pola vosa colaboración!!

ISTO NON É UNHA FOLLA!!

"Isto non é unha folla!!". Baixo este lema plantexámoslle ao alumnado e ás súas familias a elaboración dunha obra creativa a partires dunha folla do outono.
Este foi o magnífico resultado!!

Moitas grazas a todos pola vosa colaboración!!

BOLSAS DE LECTURA

Hoxe comezan a súa viaxe de fin de semana as bolsas de lectura.
Como xa sabedes, cada venres, os pequerrechos/as de educación infantil levan un conto para a casa para poder gozalo en familia.
Elixímolos co maior dos mimos e esperamos que vos gusten tanto como a nós.
Que estas lecturas fagan os fins de semana aínda un pouquiño máis pracenteiros.
A Gozar!!

RECOMENDADOS DE VERÁN

PROXECTO LÓVA

Ao longo deste curso o alumnado de 5º e 6º de primaria levou a cabo o Proxecto Lóva. O pasado venres estrearon a súa ópera e foi todo un éxito!!
Antes de comezar a ópera, o equipo de documentalistas da compañía explicou como levaron a cabo todo o proceso. A continuación, podedes velo.

VERMES DE SEDA

Como sabedes, nestes momentos estamos coa cría de vermes de seda. Grazas á profe Alicia, contamos con este marabilloso vídeo no que se nos explica o proceso da metamorfose que sofren, como debemos coidalos e de como son empregados para empregar a súa seda.

 Moitas grazas Ali!!

ESCRITORAS GALEGAS

Sabiades que dende que se celebra o Día das Letras Galegas foron só catro mulleres as homenaxeadas?
Con fin de darlle visibilidade á gran cantidade de mulleres escritoras coas que temos a sorte de contar dentro da literatura infantil e xuvenil galega fixemos traballos de investigación para coñecer a vida e obra de algunhas delas.

MAIO E ALFOMBRA FLORAL

Como todos os anos por estas datas, elaboramos a nosa alfombra floral e o maio.
A continuación podedes ver o resultado.
A que quedou chulo?

CONCURSO DE CARICATURAS

Como ven sendo tradicional, este ano realizamos o concurso de caricaturas da autora homenaxeada o día das Letras Galegas.
Os gañadores do concurso foron:
Simón García de 1º de primaria, Brais Pazo de 4º de primaria e Óscar Iglesias de 6º de primaria.
Parabéns rapaces!!
Se queredes ver os fabulosos traballos realizados por todo o alumnado xa tedes á vosa disposición na biblioteca o libro recopilatorio.

VIAXAMOS NO TEMPO!!

Grazas Marco,o noso científico, poidemos viaxar na súa máquina do tempo. Aproveitando que estamos a traballar sobre María Victoria Moreno, Marco decidiu traela do pasado para saber de primeira man como foi a súa vida.

Magnífica actuación de María e Marco!!
Moitas grazas aos dous polo voso traballo!!

LETRAS GALEGAS 2018

Como sabedes, este ano a autora homenaxeada o día das Letras Galegas é María Victoria Moreno. Aquí vos deixamos un díptico coa súa biografía e unha escolla de libros recomendados da súa obra.

LECTURAS COMPARTIDAS

E en abril... Lecturas mil!!
Voltamos outro ano máis coas lecturas compartidas.
Cada ano anímanse máis papás, mamás, irmáns, madriñas,... así que temos a sorte de poder escoitar contos case todos os días.
Grazas a todas as familias por facer posible esta actividade que tanto nos gusta!!

 

CÓNTAME O QUE SABES

O noso alumnado está desexoso de compartir cos mais os seus coñecementos!!
Grazas ao proxecto Cóntame o que sabes poderemos aprender unha morea de cousas cos nosos compañeiros.
Ata o de agora realizamos 3 sesións de ioga e unha charla sobre o coidado dos animais domésticos.
Cal será a seguinte?

APADRIÑAMENTOS LECTORES

Por fin chegaron os desexados apadriñamentos e amadriñamentos lectores do segundo trimestre!!
O tempo acompañou así que poidemos disfrutar coa lectura ao aire libre.

Reportaxe fotográfico

VISITA PAULA MAYOBRE

Seguindo coas actividades planificadas para o Día da Muller Traballadora, recibimos a visita de Paula Mayobre. Esta atleta internacional explicounos a importancia de facer deporte e relatounos as dificultades que se atopou ao longo da súa carreira deportiva polo feito de ser unha muller.
Aproveitando a visita, correu a milla connosco e deunos uns conselliños que seguramente nos serán de moita axuda.

Moitas grazas por compartir connosco a túa experiencia Paula!!

8 DE MARZO, DÍA DA MULLER TRABALLADORA

Para festexar este día ademáis de traballarse con varios contos da nosa biblio, tivemos a sorte de participar na actividade proposta polo concello de "Contos pola igualdade".

Coa axuda dos voluntarios da biblio preparamos unha exposición na entrada no cole con mulleres galegas que grazas aos seus actos gañaron un oco na historia de Galicia.
Non perdades a oportunidade de saber quenes son!!

Tamén temos un reto preparado para vós. Queredes saber a quen pertencen as fotografías deste mural.
Pois entón.... A pescudar!!

24 DE FEBREIRO, DÍA DE ROSALÍA

O ano pasado, enterámonos que unha compañía aérea incorporara a imaxe de Rosalía nun dos seus avións. Nós decidimos crear a nosa propia flota de avións e levar a obra de Rosalía por todo o mundo. Para iso o alumnado de infantil traballou os títulos dos libros e poemas máis destacados da escritora mediante unha dinámica de aprendizaxe cooperativo e o alumnado de primaria escribiu en avionciños unha estrofa dalgún dos seus poemas.

 

   

 

Ademáis, o alumnado de 5º e 6º de primaria en colaboración coa asociación Liga de Amigos de Barallobre, foi facer unha lectura de poemas que se retransmitiron en Radio Fene neste día.