RECOMENDACIÓNS LECTORAS E DE XOGOS DE NADAL

 

CONTO DE NADAL

Para rematar o trimestre, Valle, Keyla e Xoel agasállannos a lectura dun fermoso conto de Gabriela Rubio a través do cal poderemos reflexionar sobre o consumismo e o enorme poder da nosa imaxinación. 

Se queredes escoitalo picade no seguinte enlace: Algo máis

Esperamos que vos guste!

BOAS FESTAS!!

OS NENOS E NENAS DE SEGUNDO RECOMENDAN

 

estes días o alumnado de 2º de primaria subiu á radio para facer un podcast de recomendacións lectoras. 

Queredes escoitalas? Pois facede clic no seguinte enlace Recomendacións lectoras

MANUELA FALA SOBRE O INFARTO DE MIOCARDIO

 

Hoxe Manuela, alumna de 6º de primaria, quixo explicarnos en que consiste o infarto de miocardio. Se queredes escoitala, clicade no seguinte enlace

O INFARTO DE MIOCARDIO

Grazas Manu por compartir con nós a túa investigación!

3 DE DECEMBRO, DÍA DA DISCAPACIDADE

 

Hoxe, 3 de decembro, é un día moi especial no noso calendario. Celebramos o Día Internacional das Persoas con Discapacidade, un momento perfecto para lembrar que a diversidade é o que nos fai únicos e ricos.

Este ano a nosa proposta de actividades versa sobre a importancia dos sentidos. Seremos capaces de atopar obxectos empregando só o tacto? E de utilizar o olfacto para descubrir olores? Atrevédesvos a descubrir quen ten a campaíña agochada? Toda unha experiencia sensorial onde poñeremos a proba aos nosos sentidos.

NOVEMBRO, MES DA CIENCIA

Se hai un mes no que a curiosidade non ten límites, ese é novembro. Como xa é tradición, a biblioteca énchense de experimentos, preguntas e, sobre todo, moita innovación para celebrar o Mes da Ciencia.

Queredes ver algúns dos experimentos realizados polos nosos pequenos científicos?

LECTURAS COMPARTIDAS DO 25N

Hai datas no calendario que nos chaman a parar, a escoitar e, sobre todo, a reflexionar en comunidade. O pasado 25 de Novembro unímonos de novo para conmemorar o Día Internacional da Eliminación da Violencia contra a Muller, e fixémolo do xeito que mellor sabemos: a través da palabra, o respecto e as lecturas compartidas.

As historias teñen o poder máxico de poñernos na pel dos demais, de axudarnos a entender o mundo e de sementar os valores de igualdade e non violencia que queremos ver no futuro.

 

XOGOS DE OUTONO E SAMAÍN NA BIBLIO

Neste mes do medo na entrada do cole tivemos unha mesa de libros recomendados.

Tamén tivemos un photocall no que sacar fotos terroríficas.

Por último, deseñamos os nosos propios xogos cos que aprendimos moito sobre estas datas. Pasapalabras, xogos de memoria e atención, búsqueda de obxectos,... Pasámolo bomba!

ENTREVISTAMOS A DIAOU DIALLO

Hoxe, co motivo da inauguración da milla escolar deste curso, Diaou, unha antiga alumna do colexio e atleta profesional de triple salto, veu darnos unha charla sobre a importancia do deporte e o coidado da saúde.

Tamén nos contou a súa experiencia persoal e como fai para compaxinar estudos e deporte.

Aproveitando a súa visita, fixémoslle unha entrevista na radio para coñecela un pouquiño máis.

Se queredes escoitar a entrevista, tedes que clicar no seguinte enlace. ENTREVISTA A DIAOU.

Moitas grazas Diaou por adicarnos o teu tempo!!

 

RECOMENDADOS DE VERÁN

 Aquí vos deixamos as nosas recomendacións lectoras para este verán.

Bo verán e felices lecturas!!

MESA DE RECOMENDADOS DE VERÁN

Achégase o final do curso e na entrada do cole xa tedes algunhas das nosas recomendacións lectoras para verán.

Animádevos a botar unha ollada!!

GAÑADORES DO TORNEO DE XADREZ

 Despois de varias semanas de intensas partidas de xadrez xa temos aos gañadores!

LECTURAS COMPARTIDAS 2025

Un ano máis, retomamos a actividade de lecturas compartidas coas familias.

Moitas grazas a todos os que facedes posible esta actividade que tanto gusta aos nenos!

ENTREVISTAMOS A UXÍA, A NOSA PANDERETEIRA FAVORITA

 

Este ano Uxía Doval, antiga alumna do centro, veu a facer con nós un obradoiro para que aprendésemos a importancia das cantareiras na conservación da cultura galega. Uxía está moi ligada á música tradicional e coa súa posta en escea e a súa experiencia aprendimos moitísimo.

Moitas grazas Uxi!!

Aproveitando o seu paso polo cole quixemos facerlle unha pequena entrevista. Se queredes escoitala podedes facelo clicando no seguinte enlace. Entrevista Uxía