RECOMENDADOS DE NADAL

Deixámosvos aquí as nosas recomendacións lectoras para este nadal e aproveitamos para desexarvos a todos unha moi felices festas.

BO NADAL!!

Recordade que se queredes ver ben as imaxes debedes de facer clic sobre elas.

COMEZO DAS MOCHILAS VIAXEIRAS

Estamos tremendamente orgullosos da nosa biblio e de Cascabel, a nosa mascota. 

Ademáis de por en marcha as mochilas viaxeiras, agasallamos ao noso alumnado cunha chapa da nosa mascota. 

Que ledicia ver as cariñas de ilusión coas que o alumnado  levou as mochilas!!

Para as familias que non a coñezades, presentámosvos a Cascabel, a nosa mascota.

 

MOCHILAS VIAXEIRAS PARA AS FAMILIAS

Aproveitando o día das bibliotecas escolares, decidimos por en marcha as mochilas viaxeiras para as familias. Comezamos polas que o curso pasado quedaron en lista de espera.

E xa estamos pensando en novos títulos para enriquecer a nosa colección!! 

Esperamos que o seu contido resulte do voso agrado!!

 

RECOMENDADOS DE VERÁN

Antes de dar por finalizado o curso, deixámosvos os trípticos de recomendados de verán.

Temos que dar as grazas a Inés de 6º por deseñarnos esta fermosa portada. Es unha artista!!  

Recordade premer en cada imaxe para ver máis grande o seu contido.

Esperamos que vos resulten de utilidade!

    FELICES VACACIÓNS!!!

RECOMENDADOS EN GALEGO

A nosa lingua que fermosa é!

E cantos libros temos cos que pasalo ben!

Aquí vos deixamos, xunto cunha breve biografía de Francisco Fernández del Riego, algunhas recomendacións lectoras que esperamos que vos gusten.

Recordade que se queredes velo ampliado teredes que facer click sobre a imaxe.

FELICES LETRAS GALEGAS!!!

24 DE ABRIL, DÍA DO LIBRO

Co motivo da celebración do Día do libro, o alumnado de 5º sorprendeunos cunha fermosa mostra de libros elaborados por eles a partires de caixas de cereais.

Mirade o chulos que quedaron!

MOCHILAS VIAXEIRAS PARA FAMILIAS

Un ano máis, xa están en marcha as mochilas para familias con contidos relacionados cos nosos proxectos.

Que temáticas poderedes atopar nelas?

- Inclusión

-Vida saudable

- Emocións

- Consumo de novas tecnoloxías

Cada vez son máis as familias que mostran interese por elas.

Animámosvos a que as solicitedes!!

8 DE MARZO, DÍA DA MULLER TRABALLADORA

Ao longo de toda a semana traballamos a igualdade de xénero con diferentes contos. Ademais, dende a biblio e o equipo de dinamización fixéronse diferentes propostas para coñecer a mulleres relevantes da nosa historia e da actualidade: encrucillados, sopas de letras, memorys, puzles,...

Deixámosvos un pequeno documento con mulleres galegas de actualidade. Coñeces a algunha?

23 DE FEBREIRO, DÍA DE ROSALÍA

Grazas a Carmen, alumna de 6º de primaria, poidemos lucir este fermoso mural na entrada da biblio para festexar o Día de Rosalía.

Este ano ímonos achegar a Rosalía a través das cancións, co libro "Rosalía pequeniña" de Uxía. 

Deixámosvos aquí o vídeo da primeira.

Por outra banda, o alumnado de 5º de primaria realizou unha lectura co Kamishibai sobre a vida e os poemas de Rosalía para todas as clases.

3º MANDATO

 E hoxe imos co derradeiro mandato de don Falsón!!

IMOS A POLO 2º MANDATO!!

 Un día máis, xuntámonos na entrada do cole para escoitar o 2º mandato de don Falsón. Por se vos despistades, aquí o tedes.

E mañá queda o último!! Recordade que son acumulativos.

MANDATOS DE ENTROIDO 2023

Que ganiñas tiñamos de volver á normalidade e de recuperar o entroido de anos atrás!!

Así que nesta semana xa temos todo en marcha. Hoxe comezamos cos mandatos do meco don Falsón, o pirata máis guasón e o venres toca festival!! Seguro que nos sorprenderemos coas magníficas actuacións que está preparando o noso alumnado.

11 DE FEBREIRO DÍA DA MULLER E DA NENA NA CIENCIA

Para conmemorar o Día da muller e da nena na ciencia, tedes á vosa disposición unha mesa de recomendados para que vexades algúns dos fondos que podedes atopar na biblio relacionados con esta temática.

Non perdades a oportunidade de botarlles unha ollada!!

NOVIDADES DE FEBREIRO

Este mes temos estas novas adquisicións relacionadas co entroido, Día de Rosalía, diversidade,...

Achegádevos a ver todas as novidades coas que contamos!

A PAZ 2023

Para conmemorar este día comezamos como cada ano por facer un concurso de pegatinas. Entre todas elas escollimos a máis representativa para poñer todos nós o día 30.

Esta foi a gañadora!!

Despois, entre todos, decoramos coas nosas mans a entrada do centro e os corredores.

                                       

Como ven sendo habitual, o alumnado de 6º de primaria elaborou un manifesto pola paz e en contra da violencia que compartiron con todos nós o día 30. Para que o noso manifesto se fixese eco por todas partes, publicárono en formato podcast a través da nosa recén estreada radio escolar.

Se queredes escoitalo podedes facelo facendo clic no seguinte enlace:

https://go.ivoox.com/sq/1820967

Tamén crearon a vacina pola paz!!

                             

Por último, coa axuda do profe Carlos cantamos e bailamos todos xuntos unha canción elaborada especialmente para festexar este día.