CAMBIOS NA BIBLIO!

Comezamos outro curso con moita ilusión e moitas ganas de traballar. Aquí xa levamos uns días traballando para facer a nosa biblio ademais de bonita, o máis accesible e funcional para todos os nenos/as. Como poderedes ver, dotámonos dalgunhas estanterías máis baixiñas para facilitar a accesibilidade e movemos outras para facer o espazo máis diáfano.
Ademáis, adquirimos tamén mesas abatibles e regulables en altura para que todos/as os nenos/as poidan vir e utilizalas dun xeito máis cómodo. E aínda por riba son de cores, o que lle da frescor e alegría á vista.
Por último, tamén puxemos nas estanterías, marcadores con apoio visual segundo a cdu para que sexa doado atopar a sección de libros á que se queira acceder. 
Seguiremos cambiando cousiñas pouco a pouco, pero de momento, estamos moi satisfeitos co resultado. 
Esperamos que vos guste igual que a nós...  😊😊

NOVIDADES NA BIBLIO

Como podedes ver, á volta de Nadal, na biblio tiñamos unha morea de agasallos (libros, películas, xogos...).
Ademais, Papá Noel e os Reis tiveron en conta as vosas peticións porque hai moitos dos que pedíchedes antes de marchar de vacacións...
A que esperades para vir a desfrutalos? Na biblio esperámosvos con toda a ilusión! :)

RECOMENDADOS DE NADAL

Un ano máis deixámosvos unha pequena selección de libros recomendados.
Recordade que os tedes á vosa disposicón na mesa da entrada do colexio.
Aproveitamos para desexarvos boas festas!!

DENDE BIBLIORAMO... FELICES FESTAS!

Dende o equipo de biblioteca do CEIP O Ramo, queremos deserxarvos á toda a comunidade educativa, un bo Nadal e un próspero ano 2019.
Aquí vos esperamos á volta de vacacións, con libros, actividades e moita ilusión.
Deixámosvos cunhas fotos da xincana de Nadal, na que fixemos esta árbore de post it tan chula!

BOAS FESTAS!!

RECOLLIDA SOLIDARIA

Un ano máis, quixemos aportar o noso graíño de area axudando a aqueles que máis o precisan.
A cambio dos alimentos e da roupa de abrigo doada, agasallamos un marcapáxinas elaborado polo noso alumnado e libros do expurgo realizado na biblio ao comezo deste curso.

Moitas grazas pola vosa colaboración!!

ISTO NON É UNHA FOLLA!!

"Isto non é unha folla!!". Baixo este lema plantexámoslle ao alumnado e ás súas familias a elaboración dunha obra creativa a partires dunha folla do outono.
Este foi o magnífico resultado!!

Moitas grazas a todos pola vosa colaboración!!

BOLSAS DE LECTURA

Hoxe comezan a súa viaxe de fin de semana as bolsas de lectura.
Como xa sabedes, cada venres, os pequerrechos/as de educación infantil levan un conto para a casa para poder gozalo en familia.
Elixímolos co maior dos mimos e esperamos que vos gusten tanto como a nós.
Que estas lecturas fagan os fins de semana aínda un pouquiño máis pracenteiros.
A Gozar!!