Comezamos o mes de novembro, e con el, unha nova mesa temática adicada ao medo.
Nesta mesa, poderás atopar libros relacionados con monstros griposos, esqueletes coquetos, meigas, vampiros e moito máis...
Deixámosvos debaixo a lista de libros da mesa, pero ollo!!! que temos moitos máis!!
Se che apetece, non dubides en preguntar, estaremos encantados de axudarche para que atopes unhas lecturas que che fagan gozar e pasalo de MEDOOOOO!!!!!
Hoxe, 24 de outubro, festéxase o "Día das bibliotecas"
Para nós, dinamizar a biblioteca propoñéndovos actividades que pensamos que poden resultar interesantes para a comunidade educativa, é unha gran labor que intentamos coidar con moito agarimo.
O obxectivo que perseguimos é que os pequerrechos/as vexan a biblio como un lugar atractivo. Un lugar no que se sintan agusto. Ás veces, cheo de paz e tranquilidade. Outras, de exploración e descubrimento...
Pretendemos despertar ese "amor pola lectura" tan beneficioso para o desenvolvemento integral do neno/a, que é a base da educación.
Dende Biblioramo, queremos compartir con vós un vídeo sobre algunhas das bibliotecas consideradas das máis fermosas do mundo, así como unha cortametraxe para toda a familia na que se pon en valor o fomento da lectura.
Desexamos que a lectura vos acompañe hoxe e os 364 días restantes!
Mil grazas porque vós facedes que a biblio estea viva!!
Como podedes ver, non só vos botábamos de menos os profes, os nosos amigos da biblio tamén están desexando vervos!!
Dende o equipo de biblioteca (con novos integrantes) queremos darvos a benvida a este novo curso 2020-2021 e anunciarvos que nas próximas semanas ABRIMOS AS NOSAS PORTAS!!
Estamos traballando cheos de ilusión e de enerxía para adaptarnos á nova situación e garantirvos a máxima seguridade pero sen esqueceremos de que a nosa biblio é un lugar para gozar!
Aínda que teremos que cambiar algunhas cousiñas e prescindir temporalmente de outras, imos facer todo o posible para que a biblio siga tendo esa "maxia" que tanto nos gusta a todos.
Esperamos poder estar á altura e poder compartir con todos vós un ano máis esta fermosa experiencia.
Rematou xa este curso tan insólito para todos. Chega o verán e con él, a caloriña, a praia, o tempo libre e... nós, dende a biblio, propoñémosvos diferentes lecturas para este verán. Só nos queda dicir que estamos moi orgullosos de vós e da grande labor que fixestes na casa durante todo este tempo. Queremos agradecervos infinitamente que participásedes nas actividades que vos propuxemos con tanta ilusión. Como xa vos dixemos máis veces, grazas a vós, a biblio ten sentido. UN MILLÓN DE GRAZAS. FELICÍSIMAS E MERECIDÍSIMAS VACACIÓNS!!!! VÉMONOS Á VOLTA!!! 💚 Apertas bibliotecarias.
Na biblio comezamos o día das letras galegas máis estrano que poderiamos imaxinar.
Pero nós, os galegos, se de algo podemos presumir é de saír sempre adiante e así ter construído ao longo dos séculos, unha cultura marabillosa.
Fagamos un repaso comenzando pola xeografía.
Galiza, sempre verde, sempre viva! Os nosos montes, praias, lagos, lagoas, muíños, fervenzas... lugares que nos serven, paradóxicamente, para perdernos e tamén para atoparnos.
A literatura. Qué sería de Galiza sen autores como Ricardo Carballo Calero (ao que se lle adican as letras galegas este ano), Rosalía de Castro, Eduardo Pondal e outros moitos, que loitaron porque a nosa lingua, a nosa fala, non se esquecese e formase parte do noso patrimonio?
Podemos falar tamén de música. Instrumentos e bailes (pandeireta, tamboril, ferreñas, gaita, muiñeira, foliada, alborada, repichoca...).
A música sempre acompañou aos galegos. Axudounos a sobrelevar o traballo e os malos momentos e tamén a festexar en festas e romarías.
E qué dicir na nosa fala, con palabras marabillosas que enchen o corazón como agarimo, morriña, bolboreta, aperta, bico, ruliña. Con expresións como "e logo?", "e ti, de quen ves sendo? " ou "malo será", que tantas veces utilizamos.
Dende a biblio non queremos deixar pasar a oportunidade de festexar aínda que sexa con lembranzas.
A primeira: Hai un ano, por estas datas, levábamos xa moitos ensaios enriba e tamén moita emoción.
Nenos e nenas de 4º de primaria coa titora Elisa e a mestra de música Yolanda, participamos nun proxecto marabilloso chamado "Un mar de muiñeiras", que tivo lugar en Navantia Ferrol.
Alí, xuntámonos centros de toda a comarca para bailar todos unha muiñeira.
Foi emocionantísimo e por iso, queremos lembralo con vós.
Añadir leyenda
A segunda delas, unha canción artellada na área de música sobre unha
poesía inventada nun obradoiro de poesía que fixemos na biblio.
A
letra, inventada por nós. A música, cantada por nenas de 5º e 6º, é
unha adaptación dunha canción dunha artista galega marabillosa cunha
traxectoria musical máis que coñecida: Mercedes Peón.
Comezamos o mes de maio, mes das flores e mes das letras.🌺🌺📝📝 Sabedes que o 17 de Maio festexamos o "Día das letras galegas" no que cada ano, son adicadas a un escritor galego. Pero... Por que se festexan as "Letras Galegas" ? A quen se lle adican este ano?... Para ir respostando pouquiño a pouco a todas estas preguntas, ímonos mergullar no universo das letras da man da Real Academia Galega.
O primeiro... Cando e por que se festexan as letras galegas? Aquí tedes a resposta...
