CÓNTAME O QUE SABES

O noso alumnado está desexoso de compartir cos mais os seus coñecementos!!
Grazas ao proxecto Cóntame o que sabes poderemos aprender unha morea de cousas cos nosos compañeiros.
Ata o de agora realizamos 3 sesións de ioga e unha charla sobre o coidado dos animais domésticos.
Cal será a seguinte?

APADRIÑAMENTOS LECTORES

Por fin chegaron os desexados apadriñamentos e amadriñamentos lectores do segundo trimestre!!
O tempo acompañou así que poidemos disfrutar coa lectura ao aire libre.

Reportaxe fotográfico

VISITA PAULA MAYOBRE

Seguindo coas actividades planificadas para o Día da Muller Traballadora, recibimos a visita de Paula Mayobre. Esta atleta internacional explicounos a importancia de facer deporte e relatounos as dificultades que se atopou ao longo da súa carreira deportiva polo feito de ser unha muller.
Aproveitando a visita, correu a milla connosco e deunos uns conselliños que seguramente nos serán de moita axuda.

Moitas grazas por compartir connosco a túa experiencia Paula!!

8 DE MARZO, DÍA DA MULLER TRABALLADORA

Para festexar este día ademáis de traballarse con varios contos da nosa biblio, tivemos a sorte de participar na actividade proposta polo concello de "Contos pola igualdade".

Coa axuda dos voluntarios da biblio preparamos unha exposición na entrada no cole con mulleres galegas que grazas aos seus actos gañaron un oco na historia de Galicia.
Non perdades a oportunidade de saber quenes son!!

Tamén temos un reto preparado para vós. Queredes saber a quen pertencen as fotografías deste mural.
Pois entón.... A pescudar!!

24 DE FEBREIRO, DÍA DE ROSALÍA

O ano pasado, enterámonos que unha compañía aérea incorporara a imaxe de Rosalía nun dos seus avións. Nós decidimos crear a nosa propia flota de avións e levar a obra de Rosalía por todo o mundo. Para iso o alumnado de infantil traballou os títulos dos libros e poemas máis destacados da escritora mediante unha dinámica de aprendizaxe cooperativo e o alumnado de primaria escribiu en avionciños unha estrofa dalgún dos seus poemas.

 

   

 

Ademáis, o alumnado de 5º e 6º de primaria en colaboración coa asociación Liga de Amigos de Barallobre, foi facer unha lectura de poemas que se retransmitiron en Radio Fene neste día.

VOLVE A SEMANA DO AGARIMO

Un ano máis, dispoñémonos a festexar a Semana do Agarimo. E unha oportunidade marabillosa para dicirlles aos nosos amigos e amigas o importantes que son para nós. Non deixedes de facelo.
O buzón está esperando a vosa visita!!

30 DE XANEIRO, DÍA DA PAZ

Para festexar este día traballamos con todo o cole sobre varios contos.

 Tampouco podía faltar a nosa mesa temática relacionada co tema.

 Por outra banda, grazas á colaboración das familias, o alumnado de infantil decorou os seus corredores con estes fermosos murais.

Como colofón final, creamos un mural baixo  o lema "Imos navegando rumbo á paz".  Foi unha oportunidade fabulosa para facer papiroflexia e aprender a facer barquiños e sombreiriños de papel.
Ademáis a profe Yolanda compuxo para nós unha fermosa canción coa que sorprendimos ás familias.