ÁRBORE DE NADAL

Que ben saen os traballos cando se fan en equipo!! Grazas á colaboración de todos os nenos e nenas do cole e das súas familias, elaboramos esta fermosa árbore de nadal. Esperamos que vos gustase o resultado, a nós encantounos!!

3 DE DECEMBRO,DÍA INTERNACIONAL DAS PERSOAS CON DISCAPACIDADE

EN BIBLIORAMO ESTAMOS CONTRA A VIOLENCIA DE XÉNERO

Hoxe celébrase o Día Internacional contra a Violencia de Xénero.
Queremos compartir con vós este pequeno vídeo. Adicádelle uns minutiños!! Merece a pena.

  


E para os máis pequenos sesión de contacontos do libro "Rosa Caramelo". Este fermoso conto trata de erradicar estereotipos sexistas e a discriminación destacando a importancia do rol feminino.

MESA TEMÁTICA DE NOVEMBRO: QUE MEDO!!

Como sabedes, este mes a nosa mesa temática de lecturas recomendadas trata sobre o medo. Para os que aínda non a visitáchedes animámosvos a facelo. Durante o recreo, á saída do cole con papá e mamá,...Calquera momento pode ser bo para descubrir unha historia fascinante.
Pero coidado!! Estes libros son só para valentes aos que non lles den medo os monstruos, as bruxas, os vampiros,...
Atreveste? Algúns nenos e os seus papás xa o fixeron.!!

XORNADAS DE BIBLIOTECAS ESCOLARES DE GALICIA

Un ano máis estamos participando más Xornadas de Bibliotecas Escolares de Galicia.
Estamos desexando aprender dos compañeiros e compañeiras doutros coles para mellorar a nosa biblioteca e facela máis dinámica.

A NAI DA NAI DA MIÑA MAMÁ

Esta semana comezamos coa celebración da "Semana da Tradición Oral". Para introducir o tema comezamos o venres pasado coa actuación do grupo Pinga Teatro. Contáronnos o conto de "A nai da nai da miña mamá". Con él quixemos destacar a importancia dos avós e bisavós. Canto nos gusta que nos conten as súas historias de novos e eses contos tan especiais que non nos cansamos de escoitar!
Foi moi entretido e rimos moito. Un conto, música e moitas risas. Que máis podemos pedir!!
Se queredes volver a ler o conto, recordade que o temos na biblio na sección de novidades.
Aquí queda unha pequena mostra do venres.

SAMAÍN E MAGOSTO 2015

Samaín e Magosto 2015 - Kizoa Movie Maker