PRÓXIMAS CELEBRACIÓNS

Xa temos o motor posto a toda marcha e vos conto:
Mañá, día 23, faremos os amadriñamentos/apadriñamentos.
O venres, día 25, (se o tempo dá permiso) iremos a Goente a recoller cogomelos.Se non podemos ir, os de 4º, no kamishibai, contaranos "Por que hai tantas pedras no fondo dos ríos?".
O día 28, luns, faremos as caveiras de cabazas e os de 6º representarán a obra "Indo para o Samaín".
O día 30, mércores, (tamén co permiso do tempo) celebraremos o Magosto.
Sin día fixado aínda, a nai de Diaou virá contarnos un conto que nos poñerá os pelos de punta.
De todo sacaremos fotos e as colgaremos aquí para que todos as poidades ver.
De momento, hoxe empezamos colocando na entrada unha selección dos contos de medo que temos na biblio.

MEDO - LIBROS

SEMANA DE TRADICIÓN ORAL

A nosa bolboreta Cascabel volveu a visitarnos e deixounos esta mensaxe para presentarnos o libro que fixemos entre todos coas adiviñas, ditos populares e debuxos sobre os zapatos.
Tamén se acordou dos bibliopuntos que ides xuntando polas vosas lecturas. E o máis león ou leona é...

Semana de tradición oral

TEATRO: A CASIÑA DE CHOCOLATE

Unha nova representación teatral dos alumnos de 6º: A casiña de chocolate.
Que artistas temos! Que voluntariosos!

OUTRA OLLADA

O xoves visitounos Antonio Rodríguez Menéndez.
Antonio é mestre, actor, animador cultural, escritor e moitas cousas máis.

Estivo con nós, na biblioteca, durante dúas horas e nese tempo fíxonos mirar os libros e a súa lectura doutro xeito e, por suposto, conseguiu que as dúas horas pasaran sen darnos conta.
E tamén fíxonos rir un montón!!!

(Se queredes saber algo máis sobre Antonio e o seu traballo, tecleade o seu nome completo en calquera buscador e conseguiredes información dabondo).

HOMENAXE A CELSO EMILIO FERREIRO

O día 12, do mes 12, ás 12 horas, sumámonos á homenaxe a CELSO EMILIO FERREIRO que se celebrou en moitos colexios de Galicia.
Aquí está a sesión de recitado dalgúns dos seus poemas que fixemos na biblioteca.
Rematamos coa audición de "Irmaos", cantado por Fuxan os ventos.