domingo, 27 de octubre de 2019
24 DE OUTUBRO. DÍA DAS BIBLIOTECAS ESCOLARES
O día 24 de outubro, celébrase o día das bibliotecas escolares. 📚📖📕
Xa sabedes que no noso cole, intentamos fomentar a lectura durante todo o ano, pois pensamos que é un recurso excelente para desenvolver moitas capacidades dos nosos pequenos, ademáis de poder vivir aventuras fascinantes, historias de medo e ledicia, contos de risa e de reflexión...
Pero neste día particular, decidimos facer un mural sobre a biblioteca escolar. Despois de moito pensar e buscar en internet, atoparon unha idea que lles serviu de inspiración para facer o seu propio, onde plasman perfectamente o que significa para eles a lectura e a biblioteca. Así de fermoso lles quedou:
lunes, 7 de octubre de 2019
Cestas, mochilas e bolsas de lectura
Como xa sabedes, no cole temos as cestas das aulas, na que os nenos/as elixen ( con asesoramento do equipo de biblioteca e dos titores/as )aqueles libros que lles resultan interesantes para ler na hora da lectura. Cando queren cambiala, baixan á biblio e fan o cambio de libros do mesmo xeito.
Aquí tedes un exemplo dos carriños de lectura de educación infantil e dunha cesta de educación primaria.
Aquí tedes un exemplo dos carriños de lectura de educación infantil e dunha cesta de educación primaria.
Tamén a principio de curso, poñemos a funcionar as mochilas viaxeiras e as bolsas de lectura que tanto gustan.
Sempre intentamos poñer un pouquiño de variedade pero somos conscientes do peso das mochilas e por iso este último curso, intentamos facelas máis livianas.
Ademais, os pequenos/as saben que sempre que queiran algún libro dalgunha temática concreta, os membros do equipo de biblio estamos á súa disposición para axudarlle e aconsellarlle no que precise.
miércoles, 2 de octubre de 2019
27 DE SETEMBRO. DIA DO DEPORTE
Hoxe festexamos o día do deporte dun xeito moi especial para nós.
Temos a grandísima sorte de ter entre o noso profesorado a unha verdadeira campiona, non só no mundo da docencia, senón tamén do deporte.
Ela é Teresa Barreira (Tere para nós), a mestra de 5º de educación infantil.
Na súa traxectoria conta cun grande número de trofeos como:
*Campioa do Mundo Duatlón (G40-44).
*Campioa de España Duatlón.
*Campioa Galega Duatlón Cross.
*Campioa de Europa Máster 40XC Ultramaratón. Ciclismo BTT.
*Campioa de España Máster 40XC Ultramaratón. Ciclismo BTT.
*Campioa de España de Raids Élite. Raids aventura orientación.
*Campioa Galega de Raids Élite. Raids aventura orientación..
Non puidemos deixar escapar a oportunidade de pedirlle que nos fixera unha charla dentro dos proxectos "Móvete máis e aliméntate mellor" que se desenvolve no centro e o proxecto "Cóntame o que sabes" promovido pola biblioteca.
Tere ensinounos a importancia do esforzo para poder alcanzar as nosas metas. Aprendeunos a non dar nada por perdido e que o importante que é a tenacidade, a constancia e a perseverancia.
Tamén, aprendemos todos os beneficios que ten o deporte na nosa saúde, tanto física como mental.
Por último, inaugurou a milla escolar deste curso, onde o pasamos fenomenal.
Moitas grazas, Tere!!
Deportista de élite e mestra de élite!!
Suscribirse a:
Entradas (Atom)