Estes días tivemos novas sobre unha das pombas que soltamos o Día da Paz. Queredes saber a onde chegou? Pois á parroquia de Lamas, situada no concello de San Sadurniño. Atopouna unha señora no medio do camiño e coma poñía que quen a atopara que chamara ao cole para saber por onde andaba así o fixo. Aproveitamos para darlle as grazas pola súa colaboración.

EXPOSICIÓN - HOMENAXE

Dezaoito ilustradores/as de primeiro nivel (Almudena Aparicio, Calros Silvar, Xosé Cobas, Xosé Lois, Santi Gutiérrez, ...) participan nesta colección de debuxos sobre a figura e/ou a obra de EDUARDO BLANCO AMOR.
Esta exposición está cedida temporalmente polo Museo do Humor do Concello de Fene e comisariada polo debuxante Siro López, que tamén colabora nela.
Aínda estará con nós dúas semanas máis.
Animádevos a visitala!!!
Cascabel

MiÑA SANTA MARGARIDA PARA AELG

ROSALÍA

Como o próximo día 24 cúmprense 150 anos da publicación de CANTARES GALLEGOS traballaremos toda esta semana a obra e a vida de Rosalía.
Tamén participaremos nunha iniciativa da AELG (Asociación de Escritores en Lingua Galega) que consiste en que moitos colexios de Galicia gravaremos a lectura dun poema de Cantares Gallegos e, todos xuntos, estarán na web www.aelg.org
No noso cole @s nen@s de 1º encargaranse de ler "Miña Santa Margarida".
Esperamos que o fagan moi, pero que moi ben!!!
CASCABEL

ROSALÍA

A QUEIMA DO BANKPIRIÑO

Hoxe para rematar este tempo de entroido queimamos ao noso Bankpiriño, pero antes limos o testamento que o noso amigo nos deixou.

Open publication - Free publishing

ANTROIDO 2013

Despois de moito traballo e ensaios, o venres, día 8, celebramos o ANTROIDO.
Preparámonos nas aulas e logo, no Salón de Actos, coa presencia das familias, fixemos unha pequena representación. Todo relacionado, dun xeito ou outro, co mundo dos zapatos.
Houbo unha gran zapatería, zapatos a esgallo e tres contos: A ratiña presumida, O Gato con Botas, e Polgariño.
Ao remate das actuacións saímos do Colexio e todos dimos unha volta polo arredor. Logo dun pequeno descanso era obrigado, como todos os anos, o paso polo "Túnel do Terror".
Como xa estabamos sen folgos de tantas emocións reparamos forzas arredor dunhas mesas cheas de lambetadas propias destas datas que estaban alí grazas á xenerosidade e traballo das familias.
FELIZ ANTROIDO A TOD@S!!!
A continuación vai un pequeno resumo da xornada en fotos.

Queredes ver cal foi o resultado dos mandatos de Bankpiriño? Aquí vos van algunhas fotos.

3º MANDATO

Para rematar os mandatos deste entroido, aquí tedes o último:

 

O noso querido Bankpiriño

deséxavos cambiar completamente

e quere que sexa de repente.

Como sabe que a Martín gústalle durmir

ti e todos, ademais dos compañeiros de infantil

a escola en pixama ou camisón teredes que vir.

2º MANDATO DE BANKPIRIÑO

Que ocorrencias ten este Bankpiriño!!

Queredes saber cal é o seu segundo mandato? Aquí vos vai.

Onte xa limos o primeiro,

hoxe aínda non será o derradeiro.

Como o voso nome quere verificar

todos vos teredes que identificar

e o voso nome na fronte debedes levar.

Chega o Entroido ao Ramo!!

Este ano, cos tempos que corren, ao noso cole chegou o señor Bankpiriño, en clase "preferente"!!

Queredes saber cal é o seu 1º Mandato? Atendede que aquí vos vai.

O primeiro día, por ser martes

e como temos que ir por partes

os zapatos na casa esqueceredes

e en zapatillas ao colexio viredes.

Ah! Como teredes que ir a xogo cos meus dentes

levaredes tamén uns grandes pendentes.

XA POÑEMOS TAPAS!!!

O venres, día 1, como nos prometera, estivo na biblio Manolo,o zapateiro. Daba xenio velo traballar!!! Ao final, algúns xa case sabían poñer tapas. Andamos dando voltas á idea de poñer un currunchiño de amaño de zapatos.( Non estaría mal uns ingresos extra nestes tempos) MIRADE QUE EXPERTOS TEMOS.

PAZ 2013

Dado que non puidemos celebrar o Día da Paz o día 30 por problemas organizativos, o fixemos o xoves, 31.
Despois de traballar o tema ao longo da semana( selección e elaboración de textos, lecturas, ensaios, elaboración de slogans, pegatinas, murais,...) chegamos ao xoves.
En presencia dos pais/nais, avós/avoas, ... empezamos escenificando os textos traballados. Logo, no patio cuberto, cantamos todos xuntos a canción A MURALLA e, finalmende, fixemos a nosa particular "SOLTA DE POMBAS"
FELIZ DÍA DA PAZ!!!
Aquí vos queda un resumo en imaxes.