OBRADOIRO DE NUTRICIÓN

Grazas á colaboración do persoal do Centro de Saúde de Fene o alumnado de 3º a 6º de primaria recibiu unha charla sobre nutrición. Despois fixeron xogos para afianzar os temas traballados.

VISITA DO ESCRITOR MIGUEL ANXO ROMERO

Un ano máis, o alumnado de 3º e 4º de primaria, grazas á colaboración da ANPA, tiveron a sorte de poder contar co escritor Miguel Anxo Romero. Comezou presentando o seu libro "Voces no tempo" e despois fixeron un taller de escritura creativa.

Moitas grazas Miguel Anxo!

RECOMENDADOS EN GALEGO

A nosa lingua que fermosa é!

E cantos libros temos cos que pasalo ben!

Aquí vos deixamos, xunto cunha breve biografía de Francisco Fernández del Riego, algunhas recomendacións lectoras que esperamos que vos gusten.

Recordade que se queredes velo ampliado teredes que facer click sobre a imaxe.

FELICES LETRAS GALEGAS!!!

QUEREDES SABER QUEN É FRANCISCO FERNÁNDEZ DEL RIEGO?

O alumnado de 6º de primaria queren explicarnos quen é Francisco Fernández, autor homenaxeado este ano polo Día das Letras Galegas.

                     

Se preferides escoitalo en formato podcast premede na seguinte ligazón: Quen é Francisco Fernández?

VISITAMOS A GALIÑA AZUL!

Este xoves o alumnado de 4º de primaria retomou as visitas á Galiña Azul para contarlle un conto aos peques. Encantounos ver o atentos que estaban a todo o que dicíamos. Ao final, agasallámolos cuns debuxos que nos serviron para acompañar a nosa historia.

Coma sempre, foi unha experiencia xenial!

LECTURAS COMPARTIDAS

Este curso por fin voltamos a recuperar as lecturas compartidas coas familias.

Canto nos gusta escoitar os contos que nos traen preparados!

Moitas grazas pola vosa colaboración familias!